食飯直落

當有人說「請食飯丫！」，通常都會被敷衍了事，但已經變成小隊的不成文規定：頭目作東，一隊人柴娃娃地快活過一晚。上一次前頭目選了韓燒任食，今次輪到我，該選什麼好呢？決定了飯後活動為打保齡，所以地點只剩下老銅和Ｏ海Ｘ，選了奧海城卻一直無法決定食店，唯有抵達後才算。

為了一頓好晚餐，一行六人走了五六間食府，到了最後一間酒樓，門外知客向我們推介海鮮餐，開邊焗龍蝦仔、魚翅、雞、齋鵝之類，盛惠八百八，套餐九折、加一茶芥白飯另計。聽起來不錯，詢問之下，才得悉每人只分得半隻龍蝦仔，屈指一算，埋單過千，略嫌貴得來不夠豪氣（不夠飽才是致命傷），把心一橫，索性去別府任叫任食，過千就過千！起碼人人有得揀，揀啱先食至係老闆。

一群餓鬼入地府，立即就點了十一二個菜，還有燒酎，不過被某女伙計騙了，選了個熱燒酎，以為是杯子浸在熱水裡溫著，原來是混了熱水，淡而無味，回水！及後邊吃邊點，最後點無可點，就吃起拉麵來。先來一個普通拉麵，六個人一人一夾，沒了。再來一碗二椒雞肉拉麵，又是六夾完了。最後叫了個六椒血地獄拉麵，一陣風又沒有了。大伙都討論到底八椒有多辣？因為每次男伙計都會語重深長地問「你地有無吃過二/六椒拉麵？」似乎亂吃的話會入廠，但即使我吃不了辣東西，還是吃完了那六分一的六椒拉麵，是分得太少了吧？

埋單只是一千二十，比酒樓什麼海鮮餐還要好，至少款式更多有得揀，還有杯沒酒味的清酒。