合理化煙幕

今日有空睇電視，見到黃子華主演的《絕代商驕》，看到佘思曼做的角色，真是有點反感，反而對黃子華的角色有更大興趣，想知道他會講出什麼話來，看看有沒有半點棟篤笑的影子。果然，今日就有幾個極似棟篤笑的話題。

第二集：股票 & 財經佬

『你哋有冇諗過，唔係佢哋（財經佬）講得唔好，係你聽得唔啱咁呢？……因為財經佬呢係真係比較崎嶇D架講野，喇，譬如你聽個財經佬同你講：大手買入，係咪？其實佢真正既意思呢，只不過就係話買少少；佢同你講買少少呢，即係叫你…唔好賣；佢叫你唔好賣既時候呢，就即係叫你沽喇；當佢叫你沽既時候，真正既意思就係，沽都無謂喇』

這一段根本就是黃子華的棟篤笑，再睇埋個解說。

『咁無非都係因為財經佬都係人，咁人就要搵食架嘛，係咪？咁佢哋做咗咁多 research 即係咁多研究，係嘛，咁梗係自己搵完食完先到你哋食，呢D好基本既人性，當然狗都係咁架啦』

順便罵人，高招。至於何謂「自己搵完食完先到你哋食」，我個人認為是說穿了股票市場的遊戲玩法。何謂「當佢叫你沽既時候，真正既意思就係，沽都無謂」呢？如果散戶聽了「沽」就去沽貨時，就必需要有人接貨（沒人接貨，價會繼績跌，沽壓就更大），誰來接呢？自己諗諗。接手的人，會做蝕本生意麼？若然不蝕本，即是接貨之後，價格會……升。所以說，「沽都無謂」，即是「不要沽」大有可能是谷底。

第一集：我哋 你哋 vs 我 你

『我哋呢已經為你哋呢作對咗最妥善的安排……因為我哋唔係我，我係唔洗負責架嘛！……我哋有乜問題丫，我哋瞓街都冇問題啦，你哋東方之珠變成東方臭丸，你哋都無問題架。問題係我呀，如果我今晚十二點之前唔可以入住一間五星級酒店，咁我就會去D報館度投訴你，係你令到我哋瞓街，係你令到東方之珠變成東方臭丸，係你呀……你唔想吓話？咁你早D出聲，我咪幫吓你咯』

這段將「我」和「我哋」的分別、個人和代表團體的分別，說明得很清楚。工作上對外的電郵，我有時也會自稱為「We」，因為「We will provide you the demo on Monday」和「I will provide you the demo on Monday」感覺上也有分別。

第二集：合理化煙幕

解說可以參閱：點止「合理化煙幕」──商場蠱惑招(2009/08/12)

另外，有網民問，老麥加 $3 加大餐可以換隻杯，算唔算合理化煙幕，加大餐 = 多幾條薯條 + 多二啖汽水 + 多隻膠杯。我覺得算。因為就算老麥賣加大餐送杯比賣普通餐的毛利少，至少，你會走去食足六餐去換齊一套。若然沒有這個「優惠」，你可能一整個月都唔會幫襯老麥一次。

至於佘思曼在第二集結尾前提議用「全店九折」來對抗車仔麵的「多兩蚊多個餸」的「合理化煙幕」，我認為「全店九折」是加速滅亡自尋死路。「全店九折」未必帶來更多生意以減低平均成本，但肯定會將毛利減半，客人得到九折，不會因此而多點一味菜。所以，最穩陣的對應手法應該是使用相同的「煙幕」來硬拼。

iPhone 32GB 比 16GB 賣多九百元，就有多一倍的容量，又可以算是合理化煙幕嗎？16GB SD 賣二百幾元，說明了 16GB 的 chip 成本頂多只是 $50 到 $100。所以，iPhone 32GB 的成本比 16GB 頂多只增加幾十至一百元，利潤卻可能要以倍來計算。