屈原、再屈

聽說屈原因勸唔掂佢老細就嬲得滯去左跳海自殺，後人為了唔想Ｄ魚食佢條屍，就掉Ｄ粽落河餵魚，再後來，Ｄ人為左唔想益Ｄ魚，就自己食番Ｄ粽。

問題一，聽講屈原鐘意左佢老細，但佢老細唔聽佢講唔啋佢，佢先至去自殺，咁，算係為情自殺吧，何來為國捐軀？
問題二，聽講屈原係南方人，熟水性，所以說佢係綁著舊石掉落河，有冇謀殺的可能呢？甚至係情殺？
問題三，何解當時Ｄ人咁有米可以擲咁多米飯落河？打仗時期唔係唔夠食嗎？邊得來咁多野去丟呢？
問題四，掉咁多米飯落河，污染左條河之後，乜都死啦，咁唔係會腐得更快嗎？
問題五，Ｄ粽扎到一舊野咁，Ｄ魚識得拆開唻食嗎？
問題六，以前Ｄ粽係俾魚食，宜家係人食，咁算是人吃魚糧嗎？以後的日子裡人類會吃狗糧貓糧嗎？
問題七，屈原咁偉大就有粽食，秦檜咁賤格又有油炸鬼食，咁有乜野食得既係紀念孫中山呀秦始皇呀咁呢？

以上七個謎，有機會真係要問問兒戲王和Adam鄭。
『我唔係要你同意，我係要你明白！』今晚PTU裡陶大宇的神氣對白。講得好！這就是做頭目該有的氣魄，做領袖配得的神威。令我想起了我最近不停地左右阻撓著大大小小的仆直，「這樣不行」「沒有時間」「無人手」「改仲衰過唔改」「排期排到月底」等等。若果逆旨的話要殺頭，多給我十個頭亦未夠。反之，若不趁早喊停題出問題，以後面對的會是一堆核彈吧。而這堆核彈最終還不是爆到我頭上來嗎？

「我唔係要你同意，我係要你做！」
「我唔係要你同意，我係要你明白，真係無人手去做！」

明哲保身 VS 明言保命。問題是該保護哪一樣才好呢？


有機會的話，我想丟以下的食物落海（如果亂丟垃圾會獎一千五百的話）：熱狗、巴菜、腥苗、番薯籮橙。