最緊要型

今早收到兩個推銷電話，先講第二個。

『喂，請問係唔係彭生呀？』「唔係，你邊位搵佢呀？」『哦，咁無野喇。』十秒內解決掉。

第一個電話是某中資銀行推銷白金卡。

『跟據我地記錄，你的Master Card記錄良好，所以我地免費幫你升級到白金卡。』記錄當然良好啦，當初三個月刷完了三千元換迎新禮品之後，便一直收在家裡沒用過，就連月結單都沒再收過。

「哦，咁係唔係可以選擇唔升級架？」『係。』「咁我唔升喇。」

之後我問朋友「白金卡有啥用？」
『當武器掟人，用黎索K，用黎做書簽，等等』
「原來係咁。有銀行話免費升級我的mastercard做白金卡」
『好呀，咁先夠型』
「係，做人最緊要係咩？型～咯」


後記，有一次有個推銷銀行貸款的人，被在下耍了五六分鐘，首先我問了一堆貸款事，之後我評批「別的銀行比你平宜喎，每個月平兩蚊，你可唔可以平多四蚊先？」，之後對方要和我核對個人身份，我說「無喎，我唔記得自己身份証號碼架」，對方質疑我並非手機號機主，我說「唔係喎，我真係機主黎架」，擾攘多分幾鐘對方頂唔順終於掛了電話，太好玩了。