inline skating nite #6

今晚應該是第六晚玩rollerblade，由健威對面個場出發，繞到新光隔離的７仔，再返轉頭，沿著渣華道踩到則魚涌公園二期，再入太古坊。除了以前試過零晨點幾在HUB尾踩過街路之外，咁多年都未試過踩街，真係太「過滯」喇。

刺激就一定帶分驚險，如過坑渠差錯腳仆倒在馬路邊（好彩無鏟出馬路，又無車），又如要橫過沒交通燈號的路口（先觀察交通流量，再衝），又遇到消防車出更（又是要快速衝過馬路）。幸好，今日終於搵返個專用screwer，上返緊個ABT Brake，可以煞停。

我對鞋是「Rollerblade PRO ALU 7 (ABT)」，2002年款，現在已經搵唔到，左圖為最新「Spiritblade ABT」，不過最近似的應該係「Zetrablade」呢款，或者呢兩款的前身就係「PRO ALU」。

ABT Brake，我叫它「彈弓迫」，好處是可以彈下彈下，壞處也是可以彈下彈下。只要前後腳，再一壓，就會將brake膠推下，做成四平八穩的全輪貼地煞停。但這個「一壓」卻很費力氣去，因為要將隻鞋撐開，剩餘很少壓力去壓地，而且頗難控制平衡和力度。另外，brake膠對上有個brake release，只要輕輕一撞（唔覺意一撞），整個ABT就處於鬆弛狀態，brake膠就會收起，再壓也不動了。(reference: http://www.rollerblade.com/accessories/tech.php)

今晚得到個很好的情報：柴灣泳池旁原來有個花式場，ramp太約三尺高，適合beginner。若能覺得它太易，可以到美孚玩。美孚那個場的ramp有五尺幾高。好，要努力。