編劇對白

近排多看電視劇，有些劇集喜歡用難明的對白，好似好有深度，又好似唔知翕乜咁。
『有ｄ野，唔知你知唔知，或者我唔應該講，不過，我覺得你應該要知。』
『若果你認為我已經知道，咁你再講，都只係無謂；如果你認為你講左，我都係等於無聽過，咁講同唔講，都無咩分別；講同唔講，知同唔知，有時，其實又有咩所謂呢？又會有幾大影響呢？呢ｄ野，你無理由唔知架。』
如果換轉日常對白，可能係：
『有ｄ野，唔知你知唔知，或者我唔應該講，不過，我……』
『咩事？係？快ｄ講快ｄ講』
又或者：
『下？乜野呀？』
但無論對答係點，個ending可能都係一樣，如下：
『有ｄ野，唔知你知唔知（下略）』
『（略）』
（靜默）
（靜默…）
（再靜默……）
（靜默加臉紅……）
『你……　　　　　　』