little home improvement (part 3)

一直都覺得裝修之後的窗簾很透光，夜晚瞓覺時覺得未夠黑，日頭若然想響房睇電影又唔夠暗，打機都有點不夠過癮。但要換也非易事，一來不想走到深圳去買（這是阿媽去深圳買的），二來在香港買又不平宜，估計得花千餘元。所以想，不如加張黑畫紙吧。

昨日收工行過吉之島，在賣大畫紙處見到郵包紙（仲要係防水），便覺得這是更好的選擇，相比畫紙要平宜又沒有畫紙脫色的可能性。不過，日日曬唔知有咩影響。

左面是沒有郵包紙墊底時，晚上窗簾透光的情況；而右面就是用了郵包紙墊底，晚上街外燈光大減：


暫時三幅窗簾裡改良了兩幅，希望今晚瞓返一覺好的。

工程費用：兩卷各兩張郵包紙（$10x2），雙面膠紙 $6.9。
工程小時：少於兩小時（一面睇《講數阿姐》一面剪剪貼貼）

備註：這兩張相都是用普通 DC 以 night mode 四秒曝光來拍的。