特首該與不該可不可

就近日特首在答問大會上的事，我想同曾特首講：

1. 特首該為香港民生謀對策。
2. 特首該為香港經濟謀出路。
3. 特首該為香港推動環保，改善空氣。
4. 特首該為香港抗疫投放更多資源。
5. 特首不該為長毛型流感費神，不過，睇議員真係好睇過夏雨D戲。
6. 特首不該回應與香港民生無直接關係的問題，尤其是非本地發生的事件。
7. 特首不該為任何投資失敗者落台，落台不是負責任的解決方法，無能力解決事情者除外。
8. 特首可以為投資失敗群尋求最好的解決方法，不過唔好送錢。
9. 特首可以將我隔離一星期，聽講渡假村有電視有 WiFi，一人一房好鬼爽。
10. 特首唔可以代表全香港市民、或部份香港市民，去抵抗長毛型流感。
11. 特首唔可以被憤然離場的抗議嚇到，有辱國體。
12. 特首唔可以急著解畫話推說自己詞不達意，令人懷疑其表達能力以至工作能力。

假如香港政府係一間私人公司，我想，有一堆人早就俾人炒魷了，或者，早就被一堆人搞跨清盤了。

假如你每個月拿納稅人十萬蚊，你會為他們做什麼呢？改善社區？增加就業？解決紛爭？打擊罪惡？定係平反六四？不對不對，應該係租船去釣魚台，然後假日響銅鑼灣旺角街頭高叫「為民請命」三小時之後返屋企睇電視。

六四真係唔係幾好，七三丫，Apple iPhone app 拆帳都係七三，仲包所有 service charge。