經過昨日瀕死的衝刺後，兩個仆直都在今日傍晚安全sign了出來。今早拖著未復元的身軀，到樓下吉野家「吉嘢食」‥‥呃，買外賣時看到報紙大字頭條寫著「科大生跳樓亡」，唔‥‥是《死亡筆記》幹的好事。心暗道：「科大生都會跳樓，唔係啩？咁真係唔死都無用啦。如果換轉好似我咁，早排又搞唔掂ｄ仆直、又失戀、屋企的事又麻煩，就連部電腦都死埋，咁，咪要死好多次、死久年咁耐！？」，還打算上blog寫：「現代人真係脆弱，不，係軟弱；唯一可以自誇的，就係夠薑去跳樓」。結果，回到座位上時，脆弱的身子已軟弱地撻在桌上了，過了午飯才勉強回復過來，這樣的post也沒有寫了。
下午房間裡只有我和栗子，我們對於這位科大生為了在和記寬頻的工作失意（搵唔到客）而跳樓一事，感到極之低能白痴，大罵離譜，有辱香港人的聲譽，尤其今朝栗子家的和記寬頻瓜了柴，所以他對和記寬頻極之痛恨。至於對於這位大學畢業生為了一份沒前途和沒錢途的工作而跳樓，我們在MSN上寫下以下的訊息（由於沒想過事情會發展得「有趣」，我只記得自己寫的內容）：
『如果失業就要死，咁失戀點算？』
『勤奮青年天台搵客墮樓』
『勤奮青年拍無間道扮黃秋生墮樓』
『～溫濕笑應導致科大生...墮樓...』（栗子寫的，部份忘記了）
『科大生扮黃秋生』（我覺得好押韻，為左呢個我笑了五分鐘）
『科大生扮超人拯救萬民』（我覺得勁押韻，為左呢個我笑了半個鐘，家陣還在笑）
大概，在一個小時之內我們大談大笑，結果好像惹怒了同為剛從科大畢業的同事，他寫下這一句：『幸災樂禍真的那麼開心嗎？』
栗子立即更改為
『～是雀仔？是飛機？是超人？不！是科大生！～』
『～書生愛飛行～』
我也更改成『～人總需要勇敢生存～』
說回正經的，為什麼好端端的大學生要扮黃秋生呢？呃，要輕生呢？誰教導他自殺可以解決問題呢？我認為，是這個人的自我價值觀出現問題，還有是其計算分析力低弱所致，就是一個ＡＩ也可以推算出自殺解決不了問題。並非我等幸災樂禍，而是即使是剛畢業的大學生，也擁有比非學士學位畢業的人更高的搵工條件，若然無法找到合適工作，作為一個大學生應該有足夠智商去判定應該降低要求還是轉行。既然他一開始認定當個寬頻推銷員是累積工作經驗，屬暫時性工作，為何對於不能達到客戶數目要求就如此慬慬於懷？這份工作可以說「做唔做都罷啦」，正所謂「東家唔打打噴嚏」和「船到橋頭自然反」。如果一份temp job都足以令他想死，那麼讓他經歷我等的工作考驗時，會更想死，甚至想毀滅地球。
至於『幸災樂禍』嘛，該聽聽流行曲吧，剛好一個月前我也有貼過陳奕迅的《幸災樂禍》（這裡），『人不會好一世 不會衰一世』，所以記著『輸了錢 失了戀 無須氣短 兜個圈 你經已返上一線 兜個圈 有拖拍兼有錢 如果你走先 下個月轉運怎算？」。就算要死，也該先買份億萬元人壽填埋我做受益人再等十三個月零一日後才自殺。
左邊是我本週的時間表，看一看，綠色的就是工作，因為週一請了年假，才幸免於難，不過禮拜四做到天光，又打個和了。會輕生的人，我會很懷疑他的工作能力，繼而令我開始懷疑他在大學時期怎樣過？是否輕鬆得很呢？以致受不住風吹雨打日曬雨淋呢？怕風吹雨打日曬雨淋，就躲在室內工作吧。討厭這種貪死怕難的人。老實說，會輕生的人，而且是這等弱不禁風的無能者，是不需要同情可憐，不需要為他而臭罵政府無能，因為他工作不如意，不是政府的錯，是街坊唔幫襯佢的錯。就算讓他找到合適的工作，早晚也會因為工作壓力而再去跳樓。而社會上對於自殺的人給與太多的同情和喧染，只會令新生一代為更小的事便覺得委屈，更容易跳樓燒炭博同情。不要跟我說從前因為樓房矮，跳樓跌不死大家才堅強面對逆境，現在樓房蓋高了、骨質疏鬆了，大家便珍惜跳樓機會。
為愛情受傷是無比動聽；為工作跳樓是無比低能。份工做唔掂咪劈炮唔撈咯，果個女仔唔愛你你咪搵過個咯，咁都唔識！？巴士阿叔都比你更堅強。
No comments:
Post a Comment