數碼沖印，真煩

BLC～大檸樂，尋晚激嬲左阿媽

事緣我懶，唔想在電腦上幫阿媽執相，又想拖多陣先做
結果當然係慘敗，戰敗國要作出賠償，勁蝕兩粒鐘，整到三點幾先有得訓

早前阿媽去聚餐，帶埋部新數碼相機去影相，沖晒出來發覺色溫有問題，都偏紅了。佢話部機係新買的（其實係上季了）但影出黎唔好睇，更係心翕（不過供緊部機果個好似係我喎），所以要我在電腦上執相。有四十幾張，我又唔係PRO，上次執張大合照既紅眼問題，已經令我覺得好痛苦。逐張執，每張個SETTINGS都唔同，個PREVIEW格仔又豆腐潤咁細，唉，眼都濛埋。

前晚執左幾張合照，叫阿媽去沖多次看看效果如何。佢去了兩間沖晒舖印，其中一間要今日才有相。似乎同一張相在兩間舖印出來效果唔一樣。個六和個二比較，個六比較清但偏紅，個二就?退貨再晒會好靚喎，似乎平既質素唔穩定呢。

個六和個二，只差四毫。

近排發覺阿媽好似對呢Ｄ花費無咁著緊。係好事。

佢會唔會有日講：「果一百幾十唧，豪俾佢咯～」


p.s. 尋日終於搵到厚海綿，而且是免費的，只是有點髒。pack好隻harddisk了，等機會溜出去去郵局寄先。