Sunday 5 October 2008

一街都係唉瘋

以前買了PDA、電話、iPod,在街上總不希望見到連阿公阿婆賓妹學生哥細路哥都用同一型號,否則會覺得很cheap,因為人總希望自己有一定程度的獨特性,那種與眾不同的感覺永遠是超然的。所以貴價名牌永遠有叫座力,就因為不是每個人都買得起,所以出貨有限。Nokia和LG都明白這道理,所以推出一些價超所值的「高貴電話」,希望可以撈返一筆。

當下滿街都是iPhone,用家各式各樣、男女老幼、貧富貴賤、貓貓狗狗,呃、不對,肯定是富貴,五千幾蚊一部機喎,還要付供應商那開天殺價的月費,肯定非貴則富。

在iPhone推出之前,花五六千元買一台手機,在街上應該不容易跟別人「撞機」,可以很自豪地暗笑「人冇我有。五千蚊,抵!」,貴得有道理。但如今在一卡地鐵列車裡,隨意望望,拿著iPhone把玩著的最少有三五個,其中總有一個唭唭哩哩的。別人望著你用iPhone時,不再是羨慕妒忌的目光,而是「好叻咩?我都有」或者「唓,我成家上下人人都有,連隻狗都有一部,嘿」。那麼,還值得花上萬元買嗎?別忘了還要付data plan月費。

噢,如果沒有data plan不上網的話,那還不如買部iPod Touch。

Sent from my iPhone

No comments: