又到中秋

自稱「三爺」的某君在其MSN上寫著「又到中秋．．．」

阿彭：鐘．揪．折！
三爺：yeah。班友又走入黎問我中秋節有乜表示，好似年年都黎一野
阿彭：邊班友？
三爺：我啲O靚
阿彭：你話中秋節大家應該一齊賞月唔工作。咁賞月係半夜最正，所以，中秋果晚大家應該一齊返到公司做到十二點之後一齊出去賞月。到時你請大家一齊食一盒月餅，喻意大家一條心，其利可賺多桶金！
三爺：算把啦，我都唔知講乜，香港果邊都係送個月餅咋。班友．．．．真係頭痕

無錯，有時真係幾頭痕。少嘢做，公司無錢賺，所以無可能。多嘢做，佢哋又唔想做。想做少啲、公司又可以賺多啲，唯有每件嘢都做好啲，咁即係要花多啲時間和心機落去，即係做多啲咯。

三爺：唉，煩。今年比得，即係出年又要比；人就越來越多，比得越來越多。講真，錢事少，政策事大
阿彭：做壞咗個頭會死
三爺：所以話都幾煩

到底作為基層會唔會考慮上層嘅事呢？我宜家只係知道，夾心層係最慘，所以我以後食夾心餅時，唔會再用力去壓中間啲醬出嚟。

又諗起公司請人嘅事，頭痕到爆。人工要求低嘅，能力都有限。如果花大錢請一個人，即係成條TEAM都要孭起佢既人工，如果條友係廢柴，咁就扒街了。