楝篤、閃咭、朋友

最近一直在聽黃子華的楝篤笑，題材一般都是當其時社會最熱的話題，假如他今年再開楝篤笑，我想他會提及當下最熱的兩個詞語：閃咭、朋友。

『香港人近排好友善，點解？因為四海之內皆朋友，所有網友都升格成為朋友。你又係佢朋友，佢又係你朋友，大家忽然之間多左好多朋友。咦？阿腥，我好似唔識你架喎，不過，唔緊要，最緊要知道有冇閃咭丫？有閃咭即係朋友啦。哦？無呀？咁對唔住喇，我唔可以同你做朋友，因為你無閃咭，又或者你的閃咭唔夠我多，我做「你既朋友」並唔可以擴大我果collection。不過，你可以做「我既朋友」，因為我只可以俾我堆閃卡「我既朋友」（做出其招牌側身右手指住觀眾的姿勢）即係你……

『有D人問，警方點解要拉放相的源頭，點解唔拉拍果個人？點解要咁高調？點解搞到滿城風雨？有乜點解？拍果個都話，部電腦壞左，壞左就即係無晒DATA，咁即係無用啦。EGG、放相果個就唔同喇，佢可以一格一格咁放出黎，即係佢有完整既DATA啦，即係有畫面有聲係無格仔，咁唔通緝佢，通緝邊個？咁高調，無非都係引蛇出洞，只要佢繼續放，就有機會拉到佢，只要拉到佢，先有機會搵到果段片……

『宜家乜都貾值，以前我地做錯野，先生會叫我地罰抄一百次一千次「我以後唔乜乜乜」，抄好之後，拎住疊野，去求先生原諒，可能仲要罰企呀洗廁所之如此類咁。宜家，只要你肯講一句，就可以叫人忘記左件事，積極咁去面對人生，只要你肯講一句：「我以前係好天真同好傻」，喂，你真係當全世界係好天真同好傻呀？……

『不過，在大家考慮到底邊個先係天真邊個傻之前，要先搞清楚，到底佢講既天真同傻，係指乜野？係指唔應該俾部DV存在？指上錯左人地張床？定係指揀錯左人選呢？』


有點兒過火，似乎真係中左毒。