我認得你

又有人同我講「我認得你」，而我的回應照舊是「吓？唔係嘛？」

一般來說，認識一個人是雙方的事，該彼此見到對方同時第一次、第二次。但我記憶裡見對方的第一次，對其他人來說都是第n次了。

記得第一次有人同我講「我認得你」是唸大學的事。當時團契後一定會去食宵夜，其中有個人話認得我，話讀同一所中學，都認識某某等。我感到很愕然，我老是以為自己很不顯眼，很少和人交談，就好似炒單車而拐著走路的一個禮拜裡，沒人和我說過一句話。

某日收到封e-mail，還以為係junk mail想刪除，原來發信的是團契的組員。通訊好幾次，其實佢係邊個我都唔知，好奇心驅使下，又開始返團契，睇下邊個咁得閒理我呢ｄ閒人。原來早大半年前就被介紹過了。

最近一次，團契裡又有人話「我認得你」，甚至乎係早兩代團契的事了。那不是五六年前麼？我還以為我在這所教會團契只存在過兩年而已。而且佢仲有相為證！睇黎我比現在的團友更「老餅」了。

或者我轉行做保險，而認得我的人都同我簽一張單，可能夠我一年的quota了。又或者認得我的人都向我擲個一蚊銀，都足夠活埋我了。（唔，要擲的，不如擲張廿蚊紙啦）