開工大吉

尋晚早睡，未夠一點就熄左燈（呃，算很早喇）。訓訓下又醒左，喉嚨有點乾，但諗到如果起身飲水又可能訓唔番，就懶得出去，結果無耐又訓著左。今早八點半鬧鐘響時已經清醒，少有。

起身發現部舊laptop裝Linux時出了岔子，結果什麼都沒裝過，又要從頭再做。搞左十幾分鐘set好個installer，就出門口。

今朝地鐵很少人，上到車居然有位坐。不過唔知係人少定係因為受尋日果單車禍影響，氣氛好似好靜焗咁。

今日收的第一封e-mail係team leader發的，第一隻Series 60 DP3(俗稱3.0)的application合格左，恭喜恭喜。

食埋個早餐就開工，但係，今日做乜好呢？依然是放假mood。