眾裡尋它二百八

買了新手機（Nokia N70）就得加錢買專用記憶卡（RS-MMC低電壓版），生產商的圈套！工作關係，得知行貨送128MB記憶卡，但在３出機，包裝盒內的記憶卡被換成64MB，扣掉preload的程式等，可用空間由90MB減到30MB，網絡商的圈套！廣告說的「加$100換512MB卡」的優惠，在３沒有了，網絡商和生產商合謀的圈套！

怪不得能夠減去三百蚊，有陰謀！

上次申請HSBC信用卡換OLYMPUS數碼相機，害我四出尋找真正行貨又最平的XD卡，跑了最少兩日。對，有「假行貨」，令人頭痕。噢，對，這個簽咭換相機又是生產商的圈套。

聞說N70很會挑卡，很多牌子都合不來，專門店最大只有256mb卡，而且有會員discount下依然貴得嚇人，三百幾，唔好去搶！？心情很灰。今早和女友睇完哈利，其實依然沒心情，想著早晚又要往電腦城跑一趟，太麻煩。唯有纏著女友當散下心，順道看看她練琴，以前就想參觀，放完假就沒空閒了。

教會附近有很多手機鋪，經過於是隨便問下有沒有合心水的RS-MMC卡。居然，讓我在其中一間找到sandisk 1GB的卡，心想：正～大到痹（無用架）
店員：「高電壓版喎，你部機唔O岩用」（預左啦）
「係咩？咁點算好呀？」（扮傻）
「你要黎做咩先？．．．」
做咩？用咯，咩呀？
「影下相咯」（扮傻仔）
「．．．點解唔試下Nokia的卡？都有512MB架」
當真？咁正？係唔係「果張」呢？係就爽咯。
「呀邊個，順手攞張Nokia果張卡」
咪住，肯定貴到飛起啦，否則就係老翻。若然如此，點推佢好呢？（盤算中）
「拿，係呢張，三舊有找」
嘩～真係夢寐以求「果張」原廠卡呀。經我迅速而仔細地驗明正身後，本著「假野唔會抄呢個packing」為宗旨，很快就確認了其「真貨」地位，並很快付款兼走人。因為，機不可失，夜長夢多，遲則有變。

還要多謝女友，次次她都能帶我去到可以買到平靚正的目標行貨記憶卡。