Facebook 殺人事件

我諗呢個 title 夠吸引力吧？給我一個 like 吧.... 正所謂 title 便便暢通，真係開心到想話晒俾全世界知。不過呢度唔係 Facebook，請留言自己寫 "Like" 啦。（我唔鐘意Ｄ人叫 Facebook 做面書、臉書或者非死不可，你會唔會叫ＭＳＮ做馬屎銀？）

大家在 Facebook 上已經由主力玩遊戲演變成主力更新自己的 status，以及去八卦人地的 status。越來越多人鐘意 show off 自己做緊咩、諗緊咩，例如近期好 hit 的打卡 Check-in，為什麼要讓全世界知道你去左邊呢？或者你可以証明自己唔係明星唔係黑社會更加唔係高官所以唔怕俾人伏。不過，呢個 system 方便到咁，所以我用來投訴上層做事癈柴，結果係，我俾人的左去照肺。

同朋友吹水吹到某事件，最後我的結論係，以下落黎呢件事可以成為 Facebook 上殺人於無形的事件......

＊ ＊ ＊

Facebook 上的情侶夫妻朋友日漸增多，正如朋友講，有些人天生做咩都要囉威，所以佢地就一有機會就要 show off 一下佢地既恩愛。其實恩愛係唔需要show俾人睇，身為朋友，有時真係一邊按 Like 以示友好，一邊爆單音助語詞爆到去四字成語。

例如，情人節果排我真係好想打爆Ｄ上載情人節晚餐相片既人。你地情人節前做了好多準備，你係要得另一半的喜悅還是要別人的讚好呢？又或者，你的另一半是為你而做還是為你可以上網 show off 得別人的稱讚呢？要多謝老公老婆的話，請你直接同佢講啦，唔需要在 Facebook 度大叫，除非對方係聾既又淨係識睇 Facebook 永遠唔望你一眼。

測驗有人高分有人低分，老師按分數高低逐個叫名派卷，助長高分者的驕傲，打壓低分者的信心。是一種殺人於無形的變態手段。

我工作忙碌、我無心思安排情人節、我無創意、我無為情人節做任何準備，不等於我不愛我的女朋友。我做左我認為當天晚上我最應該做的事情，當晚一切安好。無奈是，情人節後 Facebook 上那種來勢兇兇、不甘後人的相片潮，結果我一下子被比下去了。我明白我係做得唔夠，但當全世界既情侶跑出來示威時，我就如遇上一群暴走中的恐龍，被踐踏得死無全屍、死無葬身之地。

其實，我也可以殺人於無形。部份我送出的禮物，並非人人願意送，並非逛逛旺角銅鑼灣便買到，有時係“生產商”全球限量生產一個。若然我 post 出來，我想又有好多人眼紅有 couple 吵架：點解佢有我冇。

我有個朋友鐘意去旅行時買手信給朋友，而且係有心思地買。收到會有種窩心的感覺，即使只是一份小小的手信。我覺得他不需要別人在 Facebook 上多謝他，我們只需要在心裡邊記著有這一位好友就夠了。

Facebook 上放相，有意無意都好，殺左人就係殺左人......