Wednesday, 14 May 2014

香港開個人公司手記(1)

在一間手機軟件公司工作咗十年,正如一些有工作經驗的Programmers,離開公司之後很不願意再次踏入另一個輪迴、另一個無間道。除非生活所迫(山窮水盡或者鐘意打工),否則點都想試吓自立門戶、接吓job、做個自由嘅freelance programmer,呃,時吓興叫「Freelance Developer」,anyway,點都係一樣。

朋友傳過來Max Chow的「開公司完全手記」(網址)有興趣可以參考,或者話,如果你打算睇我呢個post就應該先睇咗Max Chow的「開公司完全手記

參考其他人嘅做法,大概不外如下:


1. 決定自己公司名

如果係想開間一人有限公司,大概都係想建立個人品牌,咁冇乜可能係去買現成的公司名。如果決定好自己間公司叫咩名,呢個時候有三樣嘢要check:

  1. 香港嘅商業登記,睇吓有冇人已經用咗你呢個名。
  2. 香港嘅公司註冊處,一樣係睇吓有冇人已經用咗你個名。
  3. 全球的domain registrar,睇吓有冇人已經登記咗你個名做domain name。(如果可以買到.com,應該比買個.com.hk好。)


2. 決定公司登記地址

因為查冊係可以查到公司註冊嘅地址,所以街外有好多「Virtual Office」公司俾自己個office地址別人做登記用,佢哋可以代收信、代聽電話、做埋秘書。當然收費就有高有低。

我選咗一間有六七個地點嘅service provider,選咗佢哋中環個地址(居然係七個locations裡第二平)。佢哋都有開公司服務,七除八扣之後,最平係千二蚊但要十二個工作天先開到。俾多五舊可以縮到三日。呢千二蚊仲包一套基本box set綠盒。


3. 決定點註冊你間公司

無錯,要洗千幾二千蚊開間公司,未計政府嘅收費(以2014年4月起計,要$3970),到底值唔值呢?如果想平,又得唔得?

而家就講一個又平又快嘅方法,但正唔正就見人見誌。畢竟有人鐘意慳得就慳、有人鐘意請人做晒冇麻煩(見香港開公司完全手記(四):醒目地申請網址 (2)就知,乜都搵人做唔一定係好),我其實想快啲開咗間公司但又唔想俾咁貴嘅費用,結果俾我問到一個最平嘅方法。


註冊易

政府啲嘢呢,佢叫「註冊易」其實一啲都唔易用,不過呢個係唯一一個俾你以最快速度開立一個公司。

首先,你需要個人電子證書;要個人電子證書,你需要去郵局俾$50一年買一張證書,張電子證書係可以放响你個香港身分証嘅晶片度。咁放咗响身份証又點抄去電腦呢?你需要買一部讀智能身分嘅讀卡機,咁呢部嘢應該响郵局可以買到。最後,你需要一部Windows機,因為只有Windows driver!嘩,今時今日,做Freelance Developer梗係用Mac機啦,呢個世界上有邊個OS可以俾你一次過做晒iOS, Android, web service, Windows嘅 development?咁香港政府唔多支援Mac可以點?

其實,以上嘅工具、費用統統都唔需要俾。需要嘅,係去位於金鐘政府大樓高座13樓嘅公司註冊處,用佢哋部電腦上佢哋個網註冊一個「註冊易帳戶」,然後印咗份確認信,再去櫃台交form、俾個身份証佢核對一下你個身份就okay。半個鐘之後,就可以用呢個account去開公司戶口。


半個鐘搞掂

用註冊易開公司戶口,所有文件都係電子文件,沒有paper,但政府講明,自己印出嚟嘅BR和CI一樣有法律效力,如果你信、又想慳錢慳時間,你可以考慮呢個方案。如果想有政府印俾你嘅,可以自己上金鐘政府大樓高座搞,大概三四日就會寄返啲嘢俾你。如果你都係想有人代為效勞,咁搵出面嘅公司做,費用一千至一萬不等。真係適隨尊便。

點半個鐘搞掂?下次再講。(香港開個人公司手記(2))

1 comment:

Anonymous said...

Banana Portal 接蕉喇

免費透明的香港服務指南及Freelance配對平台 | Banana Portal 接蕉喇 是香港首個完全免費的綜合服務指南平台,致力去除服務行業及自由工作(Freelance)市場阻礙資訊流通及參差的中介,提供完全透明、保障所有用家利益的自由工作服務配對平台。此外,接蕉喇更致力促進自由工作Freelance市場發展,提供一站式免費支援予自由工作者Freelancer。分類:攝影師,平面設計師,婚禮統籌,化妝師,大學中學小學補習老師,音樂老師,室內設計,家居清潔服務,鐘點工人,程式設計,程式網業開發,app開發,寵物服務, 汽車維修,車房,party room, 行政服務,文書服務

freelance hk, freelancer hong kong, freelance hong kong, 香港freelance platform, 香港freelancer, 香港自由工作, 香港自由工作者, 攝影師,平面及室內設計師,婚禮統籌,化妝,中學小學音樂補習老師,室內設計,家居清潔,網業及程式設計開發,寵物服務, 汽車維修,車房,party room, 行政服務,文書服務

https://www.bananaportal.com