快樂不知時日過

快樂不知時日過，考試一到黎八科，
通頂煲書奢望搏，皆因肥左好大鑊。
做人真係好悲哀，測驗仲多過踢波，
個天有心玩謝我，考邊科就炒邊科。
矢口否認我懶惰，一日最衰係個prof，
明年捲土再讀過，重蹈覆轍又鍋荷。
凡事有因必有果，咪當上天真係傻。
攝高枕頭諗清楚，當日聽書定聽歌，
原來蛇王無上課，出去鬼混又拍拖。
家陣折墮係我錯，揪出劣根滅心魔，
同窗共勉如神助，積極備戰唔再拖！